Kom til Árnafirðar og hygg eftir Roysninginum Ári
Leygardagin 27.feb. 2010 fer ÁRF at selja kaffi, vaflur, suppu, hetta verður í Róðrarneystinum, frá klokkan 12-18.
Sum flestu kunnugt, hevur ein stórur Roysningur svomi á víkini í Árnafirði seinastu dagarnar, hann svimur vanliga fram við strondini, og kemur av til uppá land, sum oftast tá tað fer at skýma.
Vit kunna upplýsa, at hann enn er í Árnafirði, og vit kunna sjálvandi ikki lova at hann er í Árnafirði Tunnilsdagin, men tit kunna fylgja við á heimasíðuni www.arf.fo um hann enn er í Árnafirði Tunnilsdagin.
At síggja henda ovurstóra ”Roysningin” sum nú er navngivin ”Ári” er ein uppliving.
Árnafjarðar Róðrarfelag
